Bourjois Rouge Edition Velvet Lipstick 04 peach club Review ( in Arabic ) ( بالعربي ) :
السلام عليكم
منتج جديد من برجوا لفت نظري و شدني اني اجربه و احكيلكم تجربتي كان روج الفلفت هو نازل بقاله فترة و الاول كان اللي نازل 4 درجات بس دلوقتي ال 8 بقوا متوفرين في كل مكان انا الدرجة اللي عجبتني و اشتريتها كانت رقم peach club 4
اللي مكتوب ان المنتج بيوفره :
تركيبة حصريّة: لسمة نهائية خالية من اللمعية وخفيفة للغاية.
يمثل مستحضر Rouge Edition Velvet من "بورجوا" Bourjois الجيل الجديد من مستحضرات أحمر الشفاه بتركيبته الرائعة التي لا تُقاوَم.
تنساب تركيبته الناعمة على الشفاه فتتحوّل إلى لونٍ مخملي، خفيف وخالي من اللمعية. فتصبح الشفاه ملساء وناعمة كالمخمل.
غنيّة بزيوت خفيفة للغاية، توفّر تركيبته المُرهفة شعوراً طبيعياً ناعماً
من دون تجفيف الشفاه. بفضل هذه التركيبة المشبّعة بالعناصر الملوّنة
النقية، تقوم كل درجة لونيّة بتغطية الشفاه بشكل مثالي بألوان جريئة
وكثيفة. إنها نتيجة رائعة تأتيك مباشرةً من منصّات عرض الأزياء! يدوم أحمر
الشفاه Rouge Edition Velvet لمدّة 24 ساعة من دون الحاجة المتكرّرة للقيام
بتعديل للماكياج!
تجربتي :
اول حاجة الباكيجينج اوشكل العبوة : مصنوع من الزجاج مش بلاستك شكله هاي اند العيب الوحيد هي الفرشة لان بتاخد كمية بالنسبالي اكتر من حاجتي فبتضطري تمسحي حبة او تفقدي جزء من البرودكت
التركيبة او الملمس : مش سائل اوي زي الليب جلوس و لا تقيل اوي كريمي شوية و خفيف على الشفايف جدا
الرائحة : للأسف ليه زي رائحة ياسمين صناعية فممكن تضايقك لو بتحبي الروج من غير سنت بس بعد 5 دقايق او اقل بتختفي و مش هتحسي بيها
اللون : حلوة تشكيلة الالوان الوانهم قوية معادا نيودست لون طبيعي اوي بالنسبة للون اللي معايا هو لون على اورانج مع ان صوره على الشفايف اللي عالموقع الرسمي و على جوجل كانت هادية و طبيعية لكن هو قوي يعني ما ينفعش تاخديه من غير لما تتاكدي انه لايق على لون بشرتك
الثبات : بيثبت لفترة طويلة جدا تقريبا اطول ثبات لاي روج انا جربته و اللون بيفضل زي ما هو بياخد حوالي 10 دقايق عشان يديكي اللوك المطفي و لو حاطة طبقة خفيفة اوي بياخد اقل . مع انه ثابت عالشفايف الا انه بيطبع
بالنسبة لتوفر الزيوت فيه فانا محستش بتاثير ده خالص لان لازم قبل ما تستخدميه تكوني مرطبة شفايفك كويس و الا هتنشف منه بعد حبة و اعتقد اي روج مطفي لازم يعمل كدة شوية
في النهاية ايجابيات Bourjois Rouge Edition Velvet Lipstick :
- ألوان جريئة و قوية
-باكيجينج حلوة و شيك
-ملمسه خفيف
-ثبات قوي جدا
سلبيات:
- رائحة المنتج الصناعية
-بينشف الشفايف لو مكانتش مترطبة كويس
-الابليكيتور او الفرشة
تقييمي : 9/10
هل انصحك بيه ؟
اكيد لثباته و شكله النهائي و تشكيلة الوانه الجذابة برغم عيوبه الصغيرة , بس ممكن ما انصحش بيه اللي مش بتحب الالوان القوية عامة و بتفضل اللوك الهادي اكتر
